تعااااالي تعرفين كيف تروح زفره الدجاج و يصير طبخك ولا احلى

السلام عليكم ..

كيف خبراااتكم بالمطبخ >>>انشاء الله انكم سنعات و ربات بيوت ما تتوصوووووووون هاه cheers

شفت هالطريقة بالنت وعجبتني .. قلت افيدكم فيها sunny

********

طبعا الكل يتحسس من شي اسمه زفرة دياي وساعات لما تروحون عند ناس معزومين عندهم و تاكلون من ديايهم تحسونه زفر وتلوع جبودكم والسبه زفرة الدياي

شي اكيد انه في ناس ديايهم مافي زفرة وناس ديايهم فيه زفره cat

وعلشان جذيه راح اقولكم على طريقه للقضاء على زفرة الدياي والله العظيم وقسما ما اجذب عليكم لا ريحة ولا طعم زفره
وراح اكتب لكم خطوة خطوة وهي كالتالي :-

1- الدياي او الدجاج يكون ماركة رضوى او الوطنيه او فقيه واذا كنتو تبون تسوون مجبوس دياي يعني كبسة دجاج اختارو الدياي الي يكون حجمه صغير وزن 700 او 800 جرام واذا كنتو تبونه حق سندويش يعني دياي مسحب اختارو الي يكون حجمه كبير وزن 1000 جرام

2- تطلعون الدياي من الفريزر وتخلونه حتى يفك شوي من الثلج بعدين تقطعونه بعدين تغسلون الدياي بالماي عدل بعدين يفرك بملح ثم يفرك بطحين بعدين تغسلونه بالماي مره ثانيه بعدين تنقعونه بشوية ملح وخل ابيض تقريبا ربع كلاص للديايه الوحده اذا كانت كبيره واقل بشوي اذا كانت الديايه صغيره والنقع لمدة ساعتين وبعدين الساعتين نغسلها عدل بالماي

3- الحين المرحله الاخيره الي هي السلق يسلق الدياي بماي بدون اي اضافات بس ماي وعقب ما تطلع الزفره على الويه تشيلونها وتغيرون الماي يعني تحطون ماي يديد وتحطون المطيبات المعتاده من بصل ورق غار دارسين وغيره واهم شي ولا تنسونه تحطون جزره وحده لانها تعطي ريحه ونكهه حلوه

والباقي عاد عليكم تبونه مجبوس تبونه سندويش دياي مسحب بس اهم شي عقب هالخطوات الثلاث ما تشمون ريحة زفره ولا تحسون بطعم زفره وممكن الاكتفاء بالخطوات 1و2 حق الدياي بالفرن يعني انتو وتتبيلتكم المفضله عقب هالخطوات

واقولكم وبكل ثقه اعتمدوها وانا ما اكتب شي ولا اتعب نفسي الا من شي واثقه منه تمام الوثوق

منقول

ماشاء الله طريقه حلوووه ياورده

شكلك طباخه مررررره ,,,,,,,حظ زوجك فيك

بس اذا طفشتي ترى المطاعم عالذمه

Sleep

صااااااااادقه يالبارونه و شلي و للطبخ و النفخ ههههههه لا و بعد دجاج و كمان بزفره عشان تلبق الريحه و اتعطر فيها بعد
لالالا خليني اكبر المخده و الله لا يهينه المحروس يجيب من المطعم و اعوده بعد على جذيه و اناااااااااااااااااااا يا حضي مرتاحه
من جد الله يوفق كل من يفتح مطعم و الله يفك الزنقه و الازمااااااااااات و كسل البنات امثالي king

ضحكتيني بتكبيرة المخده

كنا نقول كذاقبل الزواج بس بعد الزواج تنقلب الايه

ويصير كل شئ عكس ....وبسألك بعد سنه ان شاء الله

ودمتي لزوجك ياكسوله